喺屋企睇千奇百趣，總會覺得日本點解可以有咁多古靈精怪嘅嘢，有啲抵鬼得嚟又好無聊，但係有啲又正到你想佢即刻放個喺你面前，鬼死咁實用，就好似今次呢款USB Hub咁。
佢號稱係全球最細嘅手機用 USB Hub，點解？因為佢唔係用我哋平日見到正常果隻 USB 大頭，而係用 microUSB，佢係專為手機／平板而設，將一個 microUSB 變成兩個 microUSB，方便大家連接多個裝置咁話。
 |
 |
| 點解要用佢？廠商話因為有啲情況例如喺飛機上唔用得，就可以加個OTG，直插Keyboard／Mouse開工，真係貼心到呢。 |
只要大家用緊部 Android 或者 Windows手機／平板支援 OTG 功能，都可以用到；未連稅賣 980 日元，唔算太貴啦。至於佢點解唔去整個 microUSB 變成兩個大頭 microUSB？唔通廠商純粹係為咗要達成「全球最細」呢個口號？呢個解釋係咪真，就真係佢自己先知喇。
至於呢件嘢係實用定無聊？大家俾啲意見啦～
