今年 Computex 展覽會上的驚喜唔算多，不過在場中見到唔少人都會喺一個攤位停下來觀看，唔係因為入面有 Show Girl，原來因為入面放咗部極具科技感嘅機箱 H-Tower。
呢部 H-Tower 從外觀看去同一般電腦機箱無異，不過因為佢未「發功」，只要佢一動，相信大部分人都會眼定定，因為呢部 H-Tower 可以變形；官方資料指 H-Tower 鋁金屬及電鍍鋅鋼板（SECC）物料製成，鋁金屬主要應用在外觀部分，而 SECC 多數應用在電器中的鋼板，亦同時應用在 H-Tower 身上。
整個機身體積相當龐大，尺寸達到 617 x 322 x 502mm（變形前），620 x 680 x 785mm（變形後），可以支援 E-ATX（12”x13”）、ATX 或 Micro-ATX 的底板，機箱變形之後可以平放在用戶前面，令到用戶安裝硬件上會更加「就手」。如果要變形的話，仲可以用手機／平板控制開關，真係幾咁高科技。
機身識變形其實夠晒賣點，不過為咗增加科幻感，其機亦有加 LED 燈，以提升視覺效果，另外亦有銀機或黑色機身選擇，不過暫時有提供價錢，唔通真係好似 Transformer 咁係外星科技，無價嘅？
即場變身示範：
