去賣手機鋪頭買芒貼包貼，收得你幾十甚至過百蚊，幾乎已是定律，不過 Apple Store 就係另類一間，買貼唔包貼。不過，過去無唔等如而家無，近日 Apple Store 就開始提供買芒貼包貼服務，當然 Apple 提供的服務一定與別不同，有人親身試過，當場嚇親！
今次 Apple 提供的包貼服務，只限使用 Belkin 的指定 TureClear 芒貼，點解要指定？因為係會有部機器代勞，幫部 iPhone 對位同壓走氣泡。而除塵方面更唔會用膠紙同噴氣，而係用一張比部 iPhone 還要大的靜電除塵貼，個塊貼成本分分鐘仲高過塊芒貼，咁好既服務，真係企係側邊睇都睇到目瞪口呆。
至於香港都一樣有呢個豪華機壓貼芒貼服務呀，但首先…..你要買咗個芒貼。TureClear 有玻璃貼有普通膠貼，收費分別為 $278 和 $128，適用於 iPhone 6 、6 Plus、6s 及 6s Plus。
來源：9to5Mac
