 |  |
家陣講到最抵買嘅 Notebook 款式，好多人都會以為係用入門處理器 Atom 果一類 Netbook 產品，不過你問我 Funky 仔，我會覺得其實呢類先係最「搵笨」，因為相同規格下，你會見到平板款式差唔多平 Notebook 款成半，所以要抵，梗係會搵一啲平時無乜人留意，規格又有返咁上下嘅機，就真係為之抵玩喇，就好似今次介紹有「兩條 A」齊心之作。
呢「兩條 A」雖然都係台灣牌子，但係出 Notebook 方面不嬲都好有「默契」，一個攻平一個攻豪，點知今次個款由規格外形價格都撞到正一正，最顯眼當然係紅黑配色，一個黑底背光紅、另一個就黑底紅字，不過兩款個獨立顯示都係高不成低不就，大家唔好以為我踩緊佢呀，就係因為呢個原因，所以呢啲機先會係個場度無咁「顯眼」個價咪自己會做得比較吸引囉，其實幾千蚊機一般用家用得好爽就夠啦，好過買埋咁多電子垃圾啦。
查詢：Wise 2398 2626（Asus）、DC One 2156 2098（Acer）