今次展覽的重點主角就係這部 Sony-Nintendo 原型機，這部機背後有一段故仔，稍後我再跟大家分享。
有留意近來遊戲界走勢的話，復古這個熱潮真係正在全球勁吹，一部被好多人當垃圾看的舊遊戲機，原來係可以好值錢；一套紅白機原裝遊戲盒帶，齊盒齊說明書的話原來可以值幾千元。今明兩日，於中環HMV就舉行一個名為「香港復古遊戲博覽」的活動，席間展出了不少好多人見都未見過的舊遊戲主機，更有不少朋友拿出珍藏展覽。其中一部來自美國的Sony-Nintendo原型機更係全球首次展出，真係機會難得。關於這部機，我稍候會再另行開文再談。同時展場也有中古遊戲或硬件的交易坊，也有跟Retro遊戲主題有關的精品開賣，大會跟有舉辦不是懷舊遊戲比賽，可以即場報名參加。
交易及比賽活動會於明日作最後一日的活動，但懷舊遊戲機及Pixel Art展覽會一直進行至12月13日，大家有興趣可到場睇睇，反正免費入場，行完玩完更可以順手買幾隻碟返屋企睇。
「香港復古遊戲博覽」
日期：2015年11月28及29日（現場中古交易與懷舊遊戲打機比賽）
2015年11月28日至12月13日（懷舊遊戲機及Pixel Art展覽）
地點：HMV中環店
中環皇后大道中30號娛樂行3樓
對於不少十多廿歲大的朋友來講，可能真係未用過Cassette帶（卡式帶）。任天堂於1984年就推出了這部支援紅白機的Data Recorder，儲存媒體就係用當時仍相當流行的卡式帶。這部 Data Recorder 更可進行錄音及播音練卡式帶。
任天堂其實將紅白機定位在一部家用電腦，所以將其英文改做「Family Computer」，只係後來只得遊戲軟件支援，令它變成一部遊戲機。既然係一部電腦，為它推出專用的鍵盤也好順理成章吧？
這部NEC小型電視的特點就係將 PC-Engine 遊戲機整合在一起，而且更採用外掛式雙聲道喇叭，提供當時算高質的立體聲音效。
這部座式 Dreamcast 主機應該係商用的旅館機款吧？
(2015年11月30日Update：這部應該是遊戲開發商用來開發遊戲用的 Dreamcast 開發機。)
這部機應該係有極重iMac的影子，它是一部跟 Dreamcast主機整合在一起的產品，不過市場對這部機並不太受落，以產品來講它在市場上是失敗作。
現場展覽的舊主機大多都封住不能碰，但這部業務用超級任天堂旅館機就係其中一個例外，大家可以從內置的十多款遊戲中自由選擇，不少小朋友都係初次接觸「老豆嗰代」的遊戲。
不少機種真係連見都未必見過。
有廠商自製一些特別版的遊戲機，再以模擬器去玩舊遊戲。
中古遊戲帶的交易係今次活動其中一個重點，我現場所見交投量都不少。
以懷舊遊戲機作設計主題的限量特別版 Tee只會在展場入面買到，每款 $120。
以 8-bit 作主題的積木砌圖又會否是你的心頭好？
並非個個參加者都係想來賣東西，有不少係為跟一班志同道合來分享收藏，就好似這邊展出的係以《機戰》做主題的遊戲。
今明兩日都會於現場有懷舊遊戲比賽，冠軍獎品係由電氣良品贊助的 Retro Freak 多合一懷舊主機一部，價值 $1,500。
除懷舊遊戲機，展場亦有不少 Pixel Arts 的展品，最佳影相位！